تواه انا
وكل الدروب جربتها والسنين العشتها
لاوصلت ليك ولا الرجعه تاني عرفتها
***
فضلت عايش في التياع .. مكتوب على عمري الضياع
من فرقتك يوم الوداع .. ياالذ زول ذوبتنا
***
حزنت معاي كل الخطى .. وبكيت معاي لون المساء
وشرفتو بالهم والآسى .. ياالز زول في حينا
***
شديت على قلبي الحنين .. القايلو لي ريدك نسى
ولقيتو بيك زايد جنون .. رغم التباريح والقسى
***
تواه انا
وكل الدروب جربتها والسنين العشتها
لاوصلت ليك ولا الرجعه تاني عرفتها
ليست هناك تعليقات:
إرسال تعليق