اعترف . .

اعترف بأنني اخشى الاقتراب منك اكثر

و اخشى ان تكون سرابا يهرب كلما اقتربت منه

و أخشى . . ان اصفع صفعة الموت.

موت ذاك القلب الذي لم ينبض لأي شيء

و لا لأي شخص سواك



احساس صامت

احساس صامت .

هو قلمي . يكتب ما يجول في قلبي .

ويوحي له عقلي . بأن يرسـل ما يدور بٍي .

هي مدونتي هذه وهي عباراة عنـ إحاسيسي ومشاعري

قد تكون مشاعر حقيقية . وقد تكون مشاعر مجهولة .

أبحث عن من تكون قدر هذه المشاعر .

وتسطيع ان تقف بجواري . وان تعلم معنى الحب جيدا .

لا اريد كلمة بحبك . بـل أريد اخلاصـا لتلك الكلمة 

خلاص ياقلب

خلاص يا قلب أنساهو ريد
لمتين تعيش براكـ وحيد
على العليك جرحكـ بزيد
وليك زمن ما غشاكـ عيد

....................
يا قلب أنسى الحصل
خلي الدموع بس كفى
أبنيهو ريدكـ من جديد
من عين حسود خليهو خفا
أسعاهو زي طفلاً صغير
أسرح معاهو الصي خلا
وأدرس غرامو المرة دي
ما تجيبو زي ضل الضحى

................
يا قلب راح العشم
تسأل سؤال وتدور جواب
أوهب مشاعرك للغرام
أنا والهيام سويلو باب
ما تبقى إنت كمان علي
تجهلني في عمر الشباب
والفات رحل ساب الغرام
ما تقضي فيهو ساعة عتاب

خاف الله فوقنا

خاف الله فوقنا
ما تقسا لو جيناك بي شوقنا

***

خاف من دموعنا تسيل ساعة لقاك ياجميل
خلينا نبكي فرح لمن عينينا تميل

***

اعمل حساب الشوق الكبلنا زي الطوق
قابلنا بي التحنا ورينا معنا الزوق

***

ابسم عشان نرتاح قالبنا بي الافراح بسمك دواء وبلسم من اي الم وجراح

***

سلم علينا شديد حتي لي سلامك زيد حتي السلام خلي يشبه سلام العيد

***

وخاف الله فوقنا

أنت الله ليك

انت الله ليك يا قلبي من البيك
طاري البعادو هواك وناسي البحنو عليك انت الله ليك
............................
مسكين تحن علي ديل وديل الرموك في الويل
ومن الصباح في الهم يزيد العذاب بالليل
وفي دنياة التحنان ما ليك اي مكان
ما لاقي ريد في الناس لاديل ولا في ديل
..........................
يا قلبي اهداء وروق روق يا البقيت محروق
روق يا الدوام في الهم للشقا دوام بتضوق
الاقي انا بي وراك بلقاهو يوم مخلوق
يا قلبي عاين لي انا دا البعاين ليك
.........................
انا بيك بقيت شقيان خايف عليك تتهان
وانت الدوام في الريد يا باكي يا زعلان
وفي دنياة التحنان ما ليك اي مكان
ما لاقي الريد في الناس لاديل ولا في ديل

غايتو البريدك ده

غايتو البريد ده قال الله بى قولو
غايتو البريد قلبك ابقى الالم زولو

الدنـــــــيا بتهـــينو بتقلب موازينـو
تعمل عمايلا فيه لاتسندو لاتعينو
البعشقك غلطان غلطان مده سنينو
البعشقك ندمان ندمان مده سنينو
مابترعا انو زمان غطاك بحنينو

غايتو البريد ده قال الله بى قولو
غايتو البريد قلبك ابقى الالم زولو

الاها بتصيبو لاالقسوه بتجيبو
ياارضى بالقسمه ياارضى بنصيبو
البغلط وبريدك حتسيبو حتسيبو
مهما إحبك مابتبقا ليه حبيبو

غايتو البريد ده قال الله بى قولو
غايتو البريد قلبك ابقى الالم زولو

صبرك علي

صبرك على باكر بغيب وتحن لى***
تتمنى لو تلمحنى طيف او فى مساك تلقانى ضىء

صبرك على انساك وانسى معزتك**
اسلاك اسيبك للظروف واقفل دروبك وسكتك
واعلن لكل العاشقين انا ما الرفض محبتك.

صبرك على لا ابتسامه ولا كلام يجمعنى بيك **
لا نظره حلوه ولا سلام ايدى تصافح بيو ايديك
لا شكوه لا حبه ملام تدفع تعيدنى لقبلتين.

صبرك على باكر بفارق سكتك**
صبرك على واشطب هواى من فكرتك
اه اه صبرك على باكر بفارق دونيتك وين وانساك
زى ما نسيت وجيت لانى اكيدك واسكتك
واقطع عليك عشم الرجوع لزول قنع من رجعتك..

صبرك على باكر بغيب وتحن لى وتتمنى لو تلمحنى طيف
او فى مساك تلقانى ضىء

توآه انا

تواه انا
وكل الدروب جربتها والسنين العشتها
لاوصلت ليك ولا الرجعه تاني عرفتها


***


فضلت عايش في التياع .. مكتوب على عمري الضياع
من فرقتك يوم الوداع .. ياالذ زول ذوبتنا


***


حزنت معاي كل الخطى .. وبكيت معاي لون المساء
وشرفتو بالهم والآسى .. ياالز زول في حينا


***


شديت على قلبي الحنين .. القايلو لي ريدك نسى
ولقيتو بيك زايد جنون .. رغم التباريح والقسى


***


تواه انا
وكل الدروب جربتها والسنين العشتها
لاوصلت ليك ولا الرجعه تاني عرفتها

زادني وجع

قبل العين تشوفـو رجع *** حبيبـي زادنـي وجـــع
وجهُ ضاوي نورو شلـع *** شـلّ قلبـي و زادو ولـــع

وجـة ضاوي نـورو شلع *** شـل قلبـي زادو ولـع
منـو غـاب القمــر الطلــع *** خلي عمري طرح وجمــع

زي ملاك في الروعة سمح *** سُمرة خـــدو لـون القمــح
قلبي داب في ريدو طِمـح *** بَرقـة عيـنـو طعـنة رِمـح

مافي يـوم عن حـالي سـال *** ومـا بهـمو النـوح والزعـل
دا البخلي الريــد إشتـعل *** سـاابني كـده والبـال إشتـغـل

كتير بحلم

كتير بحلم أشوف عينيك تماسيني وتناجيني
وأجيك بي لهفة المشتااااق وتخلفي وعدك وما تجيني
وأعيش أحلم

ولو حسيتي رغم خطاي كان أوفيتي في الميعاد
أشيل الليل علي براااااي وأحس عينيك مني بعاااد
أفتش في العيون ذادي مناي تكوني أنت الذاد
وأعيش أحلم

وبعرف أنو ليك أقدار ظروف حاكماك وما باليد
وكان ممكن ترضي علي ترسلي لو بشارة عيد
و اعاين في العيون ذادي مناي تكوني أنت الذاد
وأعيش أحلم

مع إنو كل الناس سوا..وخلقوها من موية و تراب

لكن عيونك يا جميل..خلقوها من طين العذاب

ــــــــــــــــــــــــــــــــــــــــــــــــــ

مع انو كل الناس معاي..لكني في بعدك وحيد

مع انو ديمه بنادي ليك.. لكن خطاك بعدت بعيد

مع انو صدك لي كتير .. لكني مشتاق ليك شديد

و تعبت راجي المستحيل..و كأني بجري ورا السراب

ــــــــــــــــــــــــــــــــــــــــــــــــــ

مع إنو كل الناس سوا..وخلقوها من موية و تراب

لكن عيونك يا جميل..خلقوها من طين العذاب

ــــــــــــــــــــــــــــــــــــــــــــــــــ

راجيك تحن يا سيد هواي..راجيك يا مرضي و دواي

راجيك بحضن في الدموع..بتحدى في نيران أساي

راجيك يا المحبوب تحن.. و اتهنى بي قربك براي

ما قدرت أنساك يا جميل..ضيعت فيك حلم الشباب

ــــــــــــــــــــــــــــــــــــــــــــــــــ

مع إنو كل الناس سوا..وخلقوها من موية و تراب

لكن عيونك يا جميل..خلقوها من طين العذاب